قصة عن طفل صغير

لنهاردة و أنا في عيادة دكتور أطفال
لقيت ولد صغير جه قعد جنبي و أنا بلعب في الموبايل .،
فاديتهوله يلعب فيه شوية .،
ف مامته ست شكلها غلبانة و على قد حالها زعقتله
و قالتله سيب حاجة عمو و تعالى هنا جنبي !
قلتلها براحته أنا مش مضايق
فرجعلي الموبايل ! و لقيته بيقولى يا بختك انت كبير " معندكش مشاكل " ..!
إستغربت و ضحكت فحسيت إنه زعل ! فقلتله متزعلش !
طب إحكيلي إنت إيه أكبر مشاكلك في الحياة ؟! و أنا وعد مني أحاول احلهالك )


قالي : " نفسي لما أروح أشتري حاجة حلوة .،
أجيب " بسكوت و شيبسي " ..!
بس أنا لازم أشتري حاجة واحدة بس عشان ماما مش بترضى "
فأتضايقت آوى من جوايا و مسكت إيده و إستأذنت مامته إنه زي إبني بالظبط
و هننزل السوبر ماركت اللي جنب العيادة و نطلع على طول .،
نزلنا و أنا مقرر أحل للطفل ده مشكلته و لو ليوم واحد و طلبت منه ينقي كل اللي نفسه فيه و ملهوش دعوة .، و فضل يجري في كل مكان و انا فعلآ كنت مبسوط )
و طلعنا تاني قعد يوري لمامته و يقولها شوفي عمو جابلي إيه .،
شكرتني و قالتلي ملوش لزوم تعبك ! قلتلها المهم يكون مبسوط .،
و قعد جنبي تاني يلعب في الموبايل )
شوية و لقيته فجأة بيقولى : " و إنت ايه أكبر مشاكلك في الحياة " ؟ )
ضحكت تاني )
و لوهلة كدة حسيت إني هحكيله كل حاجة مضايقاني في حياتي .،
و بعدين إفتكرت ان أنا بالمقارنة بالطفل دة و مامته . أنا في نعمة كبيرة !
و إن مشكلة حياته حليتها بحق " بنديرة تاكسي "
ولا تمن قعدة بلاى ستيشن طويله شويه !
إكتشفت فجأة إن حياتي جميلة !
و المشاكل بسيطة !
و إن أنا اللي مصعبها على نفسي ) فقلت الحمد لله من قلبي :')
و بصيت في محفظتي .،
و قلت يا ترى الفلوس اللي أنا نازل أقضي بيها يوم واحد في حياتي
ممكن تحل كام مشكلة لكام طفل ؟!
و بعدين بصيتله و قمت رادد : ما أنت قلت )
قالي إيه ؟
قمت ضاحك و قايله : يا بختي أنا كبير ! معنديش مشاكل في حياتي )

محتاجين نقول الحمدلله


قولو الحمد لله

الحمد لله

هههههههههههههههههههههههههههههه
شكرا سوسو

الحمد لله 
شكرا علي الموضوع

الحمد لله

الحمد لله

شكرا لك ايمان على المرورو الجميل

موضوع رائععععععععععععععععع الحمد لله على هذه النعم التي نعمنا بها الله

شكرا لك المرور

الحمد لله

شكرا لك على المرور الجميل خالتو الحبيبة

الحمد لله

شكرا لك على المرور

العفو

الحمد لله

شكرا لك على المرور حبي

الحمد لله

الحمد لله

suithgirle كتب:الحمد لله

شكرا على المرور الجميل

شكرا على المرور

شكرا لك على المرور الجميل
وشكرا لكم جميعا على الردود الرائعة
افرحتني ردودكم كثيرا

شكرا لك على الموضوع رورو

merci ...ROUROU

الحمد لله